Psikomotrizitatea ikastola handian

Iritsi da ikastola handira joateko eguna, urduritasuna eta gogoa izan dugu gure gorputzean. 09:15etan autobusa hartu dugu, gustura hartu dute, nahiz eta batzuei gehiago kosta izan zaien.

Bertara iritsi eta Haur Hezkuntzako geletara gerturatu gara. Zain zeuden bertako ikasleak, anai-arrebak eta irakasleak ere. Bakoitza bere nahia eta beharraren arabera toki batetik eta bestera mugitu dira. Bertako materiala miatu, esperimentatu eta esploratzen.

Zaharrenek ere goxo hartu dituzte bi urteko ikasleak eta giro goxo eta lasaien aritu gara jolasean. Jarraian psikomotrizitate gelara jaitsi gara eta bertan hamaiketakoa egin ostean, saioa hasi dugu. Saltoak, txiribueltak, espaldereta igo-jaitsi, etxeak egin … gustura ibili gara!