Eskolako Agenda 21a proiektuari esker, eskola-komunitateak udalerrien garapen jasangarrian parte hartu ahal izan du. Agenda 21ek XXI. mendeari egiten dio erreferentzia, bai eta Nazio Batuen Erakundeak 1992an Rio de Janeiron ingurumenaren iraunkortasun ekonomikoa eta soziala sustatzeko hartutako akordioari ere.
Hezkuntza-programa honek mundu-mailan eta toki-mailan sortu diren eszenatoki berrietara egokitzeko beharra ikusi du, eta horren emaitza izango da Eskola Agenda 2030. Agenda 2030a, 17 Garapen Iraunkorrerako Helbururen bidez (GIH), 18 gurean, kultur eta hizkuntza aniztasuna gehitzea proposatu baita, pertsonak, planeta eta oparotasuna babesten laguntzea helburu nagusi duen ekintza-plana da.
Ikasturte hau Eskolako Agenda 21en eta Eskolako Agenda 2030en arteko trantsizio- ikasturtea izango da, eta metodologia berriak eta lan egiteko modu berriak egokitzea ahalbidetuko du, hainbeste urtetan hartutako konpromisoetatik, horiek lortu ahal izateko ekintzetara pasatzeko.
Aukeratutako gaia “Ikastetxe iraunkorra herri iraunkorrean” izan da.
