MUTIKOEK ETA NESKATILEK JOLAS MOTA GUZTIEKIN GOZATZEKO BEHARRIZAN ETA ESKUBIDE BERBERAK DITUZTE. MUTIKOENTZAKO JOSTAILURIK, BEREZ, EZ DAGO, EZTA NESKATILENTZAT, SOILIK, DEN JOSTAILURIK ERE.

EZ DAGO NESKEN KOLORERIK EZTA MUTILEN KOLORERIK ERE, HORI GIZARTEAK EZARRITAKO ETIKETA BAINO EZ DA, SORMENA MUGATZEN DUENA.

GUK AUKERATUKO DITUGU KOLOREAK, EZ KOLOREEK GU. NORBERAREN BAITAN DAUDEN AUKERA ETA EZAUGARRI ANITZAK ISLATZEN DITUZTEN JOSTAILUAK AUKERATZEN SAIATU: GURE DESBERDINTASUNEAN BERDINAK GARA. JOSTAILUAK ONDO AUKERATZEKO AHOLKUAK EMANEZ, HEZIKETA ERE EMATEN ARI ZARA. AUKERATU JOSTAILU EGOKIA, KONTUAN HARTUTA SEGURUA, ADINARI BEGIRA EGOKIA ETA SEXISMORIK GABEA DELA.

HORREK LAGUNDUKO DIE MUNDUA ASKEAGO ETA BERDINTSUAGO EGITEN. AUKERATU ITZAZU ELKARRI LAGUNTZA EMATEA BULTZATZEKO JOSTAILUAK, BERDINTASUNEAN, ELKARREN KONTRA ARITZEA BAZTERTUZ (JOKO EZ LEHIAKORRA, IRABAZLERIK BEHAR EZ DUENA). 2 NESKA-MUTILEN GAITASUN ETA TREBETASUN GUZTIAK LANTZEN

DITUZTEN JOSTAILUAK OPARITU, HORRETARAKO JOLAS LASAIAK ZEIN BIZIAK ETA FISIKOAK ERABILI.

SENTIMENDU ETA AFEKTIBITATEAREN ARLOAN, BERDINTASUNA, PARTEHARTZEA ETA GARAPENA SUSTATZEKO JOLAS ETA JOSTAILUAK BILATU,

NESKATILEN ETA MUTIKOEN ARTEAN EZBERDINTASUNIK SORTU GABE. EZ AUKERATU INDARKERIA BULTZATZEN DUTEN JOSTAILU, JOLAS ETA

BIDEO-JOLASIK. HEZI ITZAZU UMEAK, JARRERA BAIKORRAK, ONURAGARRIAK ETA SORTZAILEAK IZATEKO, ARAZOEI KONPONBIDEA EMATEKO UNEAN.

HAINBATETAN PUBLIZITATEAK EZ DITU ERAKUSTEN GURE UMEEI IRAKATSI NAHI DIZKIEGUN IRUDIAK ETA BALIOAK. NESKA-MUTILEI

ENTZUTEA GARRANTZITSUA DA. EZ DITUGU EUREN ESKARIAK BAZTERTUKO, BAINA EZ DIEGU ESKATZEN DUTEN GUZTIA ONARTUKO.

BILATU NESKAK ETA MUTILAK AGERTU ETA AIPATZEN DIREN LIBURU, JOLAS, BIDEO-JOLAS ETA JOSTAILUAK. AUKERATU NESKA-MUTILEN ADINERAKO EGOKIAK DIREN JOSTAILUAK, EUREN JAKINGURA ETA SORMENA BULTZATZEKO. JOSTAILUA UMEEN ESKUETAN JARRI BAINO LEHEN, IRAKUR ITZAZU SEGURTASUN, MUNTAIA, ERABILERA ETA GOMENDIOEI BURUZKO ETIKETAK.

HORRELA, ZELAN FUNTZIONATZEN DUEN JAKINGO DUZU.

AUKERATU INGURUMENA ERRESPETATZEN DUTEN JOSTAILUAK.

 

BAZTERTU MITO ETA BELDURRAK, JOLAS ETA JOSTAILUAK, AUKERATZEKO ORDUAN!!!

 

EZ da egia, neskatilak ez dira baldarragoak. Izan ere, baloiarekin jolastean eta soka-saltoan aritzean

modu berean lantzen dira indar eta kemena. Neskato bat futbolean lehenengo aldiz aritzean, «neska

delako» txarto jokatzen duela esango dute; baina mutikoak jokatzen duenean lehenengo aldiz,

hasiberria eta traketsa dela esango diote; horri aurre egin ahal izango dio, hobetzeko; «neska izatea»

ezin da aldatu, baina kontziente izan gaitezke hori ez dela benetako muga edozein jarduera egiteko,

kulturak ezarritako estereotipoa baino ez da.Neska-mutilek zaintzeko gaitasuna, elkar ulermena eta sentimenduen adierazpena, besteak beste,

errazten dituzten jokabideak garatu behar dituzte, baita etorkizunean, helduak direnean, izan dezaketen

bizimoduari dagozkion rolak ere (panpinak negar egiten badu edo txizalarri bada, zergatik eta zer egingo

dudan bera hobeto sentitzeko).

 

 

EZ dago ikerketarik indarra mutilen ezaugarria dela frogatzeko; alderantziz, baliteke mutikoek ahalmen

hori ondo garatzea jaso duten heziketagatik, arlo hori garatzera bultzatzen dituztelako; neskatoei,

berriz, erraz galarazten zaie jokaera hori garatzea.

 

EZ da egia. Neskatoak nahiz mutikoak dira joko eta jostailu sexisten biktimak. Joko horiek euren

garapena mugatzen dute, eredu kulturalek inposatutako jokamoldea ezartzen dietelako. Beraz,

neskatilei zein mutikoei eragiten diete joko sexistek, bazterkeria bultzatzeko arriskua handituz, nahiz eta

egoera horren adierazpenak oso ezberdinak izan eta sortutako ondorioak neskatilen garapenari kalte

handiagoa egin.

 

Joko eta jolasen bitartez jokamolde ez sexistak erakusten badizkiegu seme-alabei, jarrera kontziente eta

erantzulea sustatuko dugu. Horrela jokatzea ez da erraza; horretarako, jaso dugun heziketaren mugak

gainditzeaz gain, gizarte-eredua bultzatzeko joera ere saihestu behar dugu; izan ere, gizartearen

ereduan herritarren erdien eskubideak murriztu egiten dira, sexua dela eta.

 

Gure seme-alabei berogailu beroaren gainean eskua ez jartzeko edo ez erretzeko esaten diegu;

debekuaren aurrean, nahi dutena egiteko gogo handiagoa izango dutelakoan, baimena emango ote

diegu? EZ. Umeak segurtasun baldintzetan hezi behar ditugu, sinesten ditugun balio eta arauak

erakutsiz. Hori da gure erantzukizuna. Gerra-jostailuak ematen badizkiegu jarrera bortitzak bultzatuko

ditugu. 

 

Jolasa jarduera nagusia da gure seme-alaben bizitzan, jolasaren bitartez ikusi, ikutu, sentitu,

irudimena landu eta norberaren gaitasuna garatu egiten da.

Jostailu bat aukeratu baino lehen, egin gogoeta

BAI EZ

Bai neskek bai mutilek jolasteko aukera ematen du?

Jostailu honekin gustura egongo da zure seme-alaba?

Jostailu hau umeak duen adinerako aproposa da?

Behin eta berriro jolas daiteke berarekin?

Talde jolasa sustatzen du?

Umeari estereotipo sexistak ez errepikatzen lagunduko dio?

Jostailu hau nire alaba edo semearekin konpartituko dut?

Jostailua telebistan agertzen da estereotipo matxista bultzatu gabe?

Kultur aniztasuna eta naturarekiko errespetua errazten dituen jostailua da?

Jostailuaren bidez, umeak irudimena landuko du?

Erantzun gehienak baiezkoak badira, aukeratu duzun jostailua egokia da.

Gure umeek jolasaren bidez helduen arauak eta portaerak ikasten dituzte. Etxean, ikastetxean, kalean

eta publizitatean antzemandako rolak jokatzen ikasten dute zehatz-mehatz betez, eta rol horiek

gizartean duten balioa barneratzen dute.

GIZARTEAN NESKATILEI EGOKITZEN ZAIZKIEN ROLAK……….PERTSONAK ETA ETXEA ZAINDU

GIZARTEAN MUTIKOEI EGOKITZEN ZAIZKIEN ROLAK………. IKERTU ETA BORROKATU

NESKEK ZEIN MUTILEK JOLASTEKO AUKERA EMATEN DUTEN JOLAS ETA JOSTAILUAK

BULTZATU BEHAR DITUGU, OHIKO ROLEKIN LOTUTAKO JOKAERAK SAIHESTUZ, BAZTERKERIA

EKIDITEKO.

Neskatilak galarazi zaizkien jolas eta jokoetan arituko dira: kirola, lehiaketak, eraikuntza-jokoak

eta ikerketa bultzatuko ditugu ohiko molde estereotipatuak saihestuz, hau da, neska motelak,

menpekoak, zaintzaileak edota objektu sexual moduan aurkezten dituzten irudiak baztertuz.

Mutikoen jostailu eta jolasetan afektibitatea, zaintza, erantzukizunetan parte-hartzea eta elkar

ulermena sustatuko dira. Izan ere, gehienetan ez zaie alde horiek lantzea erraztu.